Абай атындағы ҚазҰПУ проректорлары тағайындалды

2017 жылдың 13 қазан күні университеттің кеңейтілген отырысы өтті. Университеттің құрылымдық бөлімше басшыларымен өткен жиналыста ректор Такир Балықбаев ұжымға Қазақ ұлттық педагогикалық университетінің жаңа проректорларын таныстырды.

Абай атындағы ҚазҰПУ-дың Бірінші проректоры болып физика-математика ғылымдарының докторы, профессор, Қазақстан Республикасы Ұлттық инженерлік академиясының корреспондент-мүшесі Мақтағали Бектемесов тағайындалды.

Ғылым бойынша проректор лауазымына философия ғылымдарының докторы, ҰҒА корреспондент - мүшесі, профессор  Ақтолқын Құлсариева тағайындалды.

Оқу ісі жөніндегі проректор қызметіне экономика ғылымдарының докторы, профессор, ҚР Білім беру ісінің құрметті қызметкері Асан Сатмурзаев тағайындалды.

Аталмыш жиында ҚазҰПУ ректоры Такир Балықбаев тағайындалған басшылар бастамасымен университетіміздің даму деңгейі жаңа сатыда қарқынды дами түсетініне сенім білдіріп, жаңа табыстар тіледі.

Отырыс фотоматериалдары

Қоғаммен байланыс жөніндегі бөлім