Open Talk: ғылымдағы жас ғалымдар

2024 жылдың 04 сәуірінде «Ғылым декадасы-2024» аясында Абай университетінде «Жас ғалымдар ғылым жолында» атты Open Talk форматында іс-шара өтті. Іс-шарада Абай университетінің постдокторанттары: Нұржанат Шакирова, Раиса Ізмағамбетова, Азиза Жүнісбекова, Ербол Тілеуберді, Назгүл Қожамқұлова, Фариза Исмаилова, Ернар Оспанқұлов, Лаура Шалабаева және Жарасбек Байшемиров сөз сөйледі. Спикерлер Қазақстан Республикасы Ғылым және жоғары білім министрлігі қаржыландыратын ғылыми жобалардың жетекшілері, сондай-ақ түрлі стипендиялардың иегерлері және халықаралық ғылыми жобалар мен бағдарламалардың қатысушылары және көптеген республикалық және халықаралық жетістікке жеткен жас ғалымдар.

Іс-шара барысында жас ғалымдар төрт негізгі модуль бойынша сөз сөйледі: «Білім берудегі инновациялық трендтер», «Халықаралық бағдарламалар мен тағылымдамалар», «Жарияланымдық белсенділік» және «Жобалық қызмет». Олар өзекті ғылыми тақырыптарды зерттеу, ғылыми қоғамдастықта байланыс желісін құру, халықаралық ғылыми бағдарламаларға қатысу, сондай-ақ ғылыми журналдарда және ғылыми қызметтің басқа аспектілерінде мақалалар жариялау бойынша өз тәжірибелерімен бөлісті.

Баяндамалардан кейін ашық алаңда университеттің жас зерттеушілері мен білім алушылары идеялармен алмасуға, сондай-ақ спикерлерге сұрақтар қоюға мүмкіндік алды, бұл жас зерттеушілердің білімі мен болашақ мансабы контекстінде ғылыми қызмет пен оның перспективаларын тереңірек түсінуге ықпал етті.