Мичиган мемлекеттік университетінде алған тәжірибені енгізу

2024 жылдың 23 сәуірінде Абай университетінің Тарих және құқық институты «Әлем тарихы» кафедрасының оқытушысы жуырда ғана Америка Құрама Штатындағы әлемдік ондыққа кіретін Мичиган мемлекеттік университетінде білім алып, тәжірибе жинақтап келген Қалдыгүл Таспулатова «Цифрлы тарих» мамандығында оқитын 1-ші курс студенттеріне Орта ғасырлар тарихы (Батыс) пәнінен ашық сабақ өткізді. Ашық сабақтың тақырыбы - «Ұлы географиялық ашылулар және отарлық жүйенің пайда болуы». Сабақ барысында жаңашыл әдістер мен технологиялар қолданылып қана қоймай, пайдалы маңызды идеялар айтылды.

Тәжірибе көрсеткендей, еліміздің білім беру саласына шетелдік тәжірибені енгізу оқу процесі үшін де, жалпы университет үшін де құнды, сапалы нәтижелер береді.