қазақша · русский · english
   
  Негізгі бет  Жаңалықтар
16.02.2018

Университетте сейсмикалық жаттығу өткізілді

 

2018 жылдың 14 ақпаны күні Абай атындағы Қазақ ұлттық педагогикалық университетінде ректор Такир Балыкбаевтың тапсырмасымен «Жер сілкінісі кезіндегі университеттің басшылық, командалық және профессор-оқытушылар құрамының, студенттердің, қызметкерлердің іс-әрекеттері» тақырыбы бойынша сейсмикалық жаттығу өткізілді.


Жер сілкінісі орын алған жағдайда дұрыс әрекет дағдыларын және сақтану іс-әрекеттерін қалыптастыру мақсатында ұйымдастырылған оқу-жаттығуға Филология және көптілді білім беру институтының студенттері мен оқытушылары қатысып, жер сілкінісі кезінде туындайтын қауіп және жер сілкінісінен кейінгі іс-қимыл тәртібі туралы ережелермен таныстырылды. Жаттығу барысында студенттерді университеттің аудиторияларынан қауіпсіз орынға эвакуациялау бойынша жаттығулар жүргізілді.


Аталмыш іс-шараға Филология және көптілді білім беру институтының директоры Балтабай Әбдіғазиұлы, директордың орынбасарлары және профессор-оқытушылар құрамы белсенді қатысты.

 

       

 

       

 

      

 

Азаматтық қорғаныс штабы