Құрметті әріптестер!

Университет жыл сайынғы «Абай атындағы ҚазҰПУ» КеАҚ Үздік оқытушысы» университетішілік конкурсын (бұдан әрі - Конкурс) өткізетіні туралы хабарлайды.

Конкурстың мақсаты білім беру сапасын арттыруға жәрдемдесу, шығармашылық, инновациялық бастамаларды қолдау және профессор-оқытушылар құрамының педагогикалық шеберлігін арттыру, университеттің үздік оқытушыларын көтермелеу болып табылады.

Конкурстың негізгі міндеттері:

- профессор-оқытушы құрамының педагогикалық және ғылыми-әдістемелік қызметінің тиімділігі мен сапасын арттыру;
- ұсынылған білім беру инновациялары мен үздік әдістемелерді әзірлеу және оқу үдерісінде қолдану бойынша тәжірибені тарату;
- университеттің профессор-оқытушы құрамының кәсіби және жеке өсуін ынталандыру;
- университет үшін өзекті білім беру міндеттерін тұжырымдай және шеше алатын профессор-оқытушы құрамы арасында көшбасшыларды анықтау.

Конкурс бес номинация бойынша өткізіледі, олардың әрқайсысы оқытушылар жұмысының маңызды аспектілерін көрсетеді. Барлық мүдделі штаттық оқытушыларды келесі номинацияларға қатысуға шақырамыз:

1) «Инновациялық оқытушылық шеберлік» - номинация оқытудың инновациялық және белсенді әдістерін қолданатын оқытушыларды атап өтуге арналған. Біз студенттерге оқу мазмұнын тиімді игеруге және дамытуға мүмкіндік беретін шығармашылық және ерекше тәсілдерді іздейміз.

2) «Ғылыми зерттеулер мен оқытудың интеграциясы» - номинациясы ғылыми-зерттеу қызметіне белсенді қатысатын және өз білімі мен тәжірибесін студенттерге бере алатын оқытушыларды анықтауға арналған. Біз соңғы ғылыми жетістіктерді оқу үдерісіне біріктіретін және студенттердің ғылымға деген қызығушылығын қолдайтын оқытушыларды іздейміз.

3) «Абай атындағы ҚазҰПУ тәжірибесімен бөлісу» - бұл номинация өзінің кәсіби тәжірибесін әріптестерімен бөлісіп, ерекше нәтижелерге қол жеткізген оқытушыларды атап өтуге арналған. Біз қолайлы білім беру ортасын және жалпы оқу үдерісін дамытуға және жақсартуға ықпал ететін оқытушыларды атап өткіміз келеді.

4) «Ұлттық құндылықтарды оқу үдерісіне интеграциялау» - номинациясы ұлттық құндылықтар мен мәдениетті оқу бағдарламаларына табысты ықпалдастыратын оқытушыларды анықтауға арналған. Біз мәдени мұраны сақтау мен дәріптеудің маңыздылығын мойындаймыз және студенттердің ұлттық тарих пен дәстүрге деген қызығушылығын арттыратын оқытушылардың күш-жігерін бағалаймыз.

5) «Цифрлық педагог» - номинациясы оқу үдерісіне заманауи технологияларды табысты пайдаланатын оқытушыларды атап өтуге арналған. Біз студенттерге материалды тиімдірек үйренуге және қазіргі ақпараттық қоғамда дамуға көмектесетін цифрлық құралдар мен ресурстарды пайдалануға негізделген сабақтар құруға қабілетті оқытушыларды іздейміз.

Конкурсақа қатысу барлық штаттық оқытушылар үшін ашық.

Біз барлық ниет білдірушілерді конкурсқа қатысуға және өз жетістіктері мен тәжірибесін әріптестерімен бөлісуге шақырамыз. Біз бірге университетіміздің үздіктерін атап өтіп, білім сапасын арттыра аламыз.

Өтінімдерді қабылдаудың басталуы: 01.02.2024

Өтінімдерді қабылдаудың аяқталу мерзімі: 31.03.2024

Қатысуға өтінім мен конкурстық материалдарды 7614014@mail.ru  электронды адресіне жіберуіңізді, ал қағаз нұсқасын Достық даңғылы, 13, 1-қабат каб. 107А. мекенжайға өткізуіңізді сұраймыз.

Конкурсқа қатысу үшін шарттар, өлшемдер және қажетті құжаттар тізбесі «Абай атындағы Қазақ ұлттық педагогикалық университеті» Коммерциялық емес акционерлік қоғамының үздік оқытушысы» конкурсы туралы Ережеде ұсынылған.