Университетте су тасқынына алдын-алу шараларына байланысты жаттығу өтті

2019 жылдың 25 сәуірінде Абай атындағы ҚазҰПУ-да «Сел қауіпі туындаған жағдайда ЖОО басшы құрамының, қызметкерлер мен студенттердің іс-әрекеті» тақырыбында дайындық жаттығу жұмыстары жүргізілді.

ЖОО оқытушылары мен студенттері аталған іс-шараға сауатты іс-қимыл әрекеті мен дағдыларын қалыптастыру мақсатында шақырылды. Тарих және құқық институтында интерактивті сабақ өткізіліп, сел ағындарының Алматы қаласына тигізетін жойқын әсері көрсетілді.

Қатысушылар назарына су тасқын қауіпі туындаған жағдайдағы іс-әрекеттер ұсынылды. Университет дәрісханасынан студенттерді қауіпсіз орынға эвакуациялау жұмысы жүргізілді. Аталған іс-шараға тарих және құқық институтының директоры Болат Жұмағұловпен директордың тәрбие ісі жөніндегі орынбасары Нұрболат Манапбаев және институт профессор-оқытушылар құрамы белсене қатысты.

Азаматтық қорғаныс және жұмылдыруға дайындық бөлімі