«Абай айтады ...» әдеби-сазды кешi

2019 жылдың 28 қарашасында Алматы қаласындағы Назарбаев зияткерлік мектебінде «Абай айтады ...» әдеби-сазды кеш өтті. Жоғары сынып оқушылары мен олардың тәлімгерлері дайындаған шара қазақтың ұлы ақыны және ойшылы Абай Құнанбаевтың 175 жылдығына арналған.

Кеш қонағы - университетіміздің «Хакім Абай» ғылыми-зерттеу орталығының директоры, абайтанушы Жабал Шойынбет Абайдың поэтикалық және философиялық мұрасы, оның қазіргі қазақ әдебиетінің дамуындағы рөлі туралы жан-жақты айтты. Ұстаздар мен оқушылардың сұрағына жауап беріп, іс-шараның жоғары деңгейде өтуіне негіз болды.