Педагогика және психология факультетінің негізін қалаушысын еске алу іс-шарасы

2024 жылдың 28 қарашасында Абай атындағы ҚазҰПУ бастауыш білім беру кафедрасының аға оқытушылары Мариям Бекбаева мен Динара Самбеттің ұйымдастыруымен 2 курс «Бастауыш білім беру бизнес инновациямен» бағдарламасының студенттеріне арналған Педагогика және психология факультетінің тұңғыш деканы, профессор Ромсейт Мұхамеджанұлы Қоянбаевтың туғанына 85 жыл толуына орай «Ұлы адам» атты танымдық іс-шара өтті.

Іс-шараның мақсаты: студенттерді профессор Ромсейт Мұхамеджанұлы Қоянбаевтың ғылыми мұрасымен таныстыру, бастауыш білім берудегі ұрпақтар сабақтастығын көрсету.

Шара барысында студенттерге профессор Ромсейт Қоянбаевтың өмірі мен шығармашылығы таныстырылып, постер дайындалды. Қазіргі ұрпақ студенттері мен Ромсейт Қоянбаевтың оқушыларының арасында викторина өткізілді.

Іс-шараның қонақтары п.ғ.д., профессор Берікжан Әлмұхамбетов, физика-математика ғылымдарының кандидаты, профессор Азаткуль Қдырбаева, п.ғ.к., профессор Асель Ақпаева, п.ғ.д., профессор Алмагуль Айтпаева, және аға оқытушылар Гүлназ Сарсенбаева, Шолпан Қалбергенова. Қонақтар Ромсейт Қоянбаевтың ғылыми және жеке өмірін, бастауыш білім беру бағдарламасы үшін педагог кадрларды дайындаудағы сіңірген еңбегі туралы естеліктермен бөлісті.

Іс-шараның соңында студент Нұрай Абдрахимова 2019 жылдың түлегі Мария Лаврованың Ромсейт Қоянбаевты еске алуға арналған өлеңін оқыды.