Алматы қаласы Әділет департаменті қызметкерлері мен кәсіпкерлердің болашақ заңгерлермен кездесуі өтті

2021 жылдың 1 қарашада Абай атындағы ҚазҰПУ-дың Тарих және құқық институты «Құқықтану» кафедрасының ұйымдастыруымен Алматы қаласы Әділет департаменті қызметкерлері мен кәсіпкерлердің болашақ заңгерлермен кездесу өтті.

Кездесу барысында Алматы қаласы Әділет департаментінің Зияткерлік меншік құқықтары бөлімінің басшысы Жетпісбаев Еркебұлан және осы бөлімнің бас мамандары Шайхадинов Ерлан, Муканова Яна және Бекботаев Алмас департамент қызметкерлері тарапынан зияткерлік меншікті қорғауға байланысты тәжірибесімен бөлісіп қана қоймай, сонымен қатар осы тақырыпқа байланысты алдын ала дайындалып келген слайдтарды пайдалана отырып, дәріс оқыды.

«Шұғыла» отандық брендінің иесі Алмабаева Әйгерім білім алушылармен жеке бренд құру, оны тіркеу және қорғау туралы кәсіпкерлік тәжірибесімен бөлісті.

Кездесу соңында сөз алған ҚазҰПУ-дың «Құқықтану» кафедрасының меңгерушісі Көшпенбетов Б.М. кездесуге келген қонақтарға болашақ маман дайындауға қосқан үлесттері үшін алғысын білдірді. Аталған іс-шара болашақта жалғасын табатын болды.