Абай атындағы ҚазҰПУ студенттерінің шығармашылық жұмыстарының халықаралық онлайн-көрмесі

2020 жылдың 25 қарашасында Абай атындағы ҚазҰПУ Өнер, мәдениет және спорт институты студенттері мен магистранттарының көркем шығармашылық жұмыстарының халықаралық онлайн-көрмесі өтті.

Халықаралық көрмені ұйымдастырушылар - Ольга Табачникова - орыс зерттеулерінің пәндік жетекшісі, В.Высоцкий атындағы Ресей зерттеулер орталығының директоры «Әдебиеттегі, бұқаралық ақпарат құралдарындағы және өнердегі көші-қон, диаспора және жер аудару туралы идеялар» бағытының жетекшісі, Орталық Ланкашир Университетінің Гуманитарлық, тілдік және жаһандық зерттеулер мектебі (Ұлыбритания); Баян Сапарғалиева - Абай атындағы Қазақ ұлттық педагогикалық университетінің Халықаралық ынтымақтастық департаментінің халықаралық бағдарламалар және ынтымақтастық бөлімінің бастығы.

Халықаралық көрмеге Өнер, мәдениет және спорт институтының 28 студенті мен магистранты қатысты, олар Ланкашир орталық университетінің (Ұлыбритания) студенттері мен магистранттарына өнердің әртүрлі жанрларындағы өздерінің шығармашылық жұмыстарын ұсынды және авторлардың туындылары бойынша пікір алмасты.

Көрменің жетекші модераторы - көркем білім кафедрасының аға оқытушысы Ибрагимов Аман, ағылшын тіліне аударманы «Полиграфия» мамандығының 2 курс студенті Абдылхан Арман жүргізді. Қатысушылардың жұмыстарын көрсетудің техникалық хатшысы - дизайн кафедрасының аға оқытушысы Байқұлақов Нұрлан болды.

Халықаралық көрмені жоғары деңгейде ұйымдастырғаны, елдің өнері мен дәстүрлерін дамытуға қосқан үлесі үшін өнер білімі және дизайн бөлімінің қатысушылары мен басшыларына алғысымызды білдіреміз.