Халықаралық эссе конкурсының қорытындысы шығарылды

Филология және көптілді білім беру институтының орыс тілі мен әдебиеті кафедрасы Алматыдағы Орыс үйімен бірлесіп, ЮНЕСКО-ның бастамасымен жыл сайын 21 ақпанда Халықаралық ана тілі күніне орай конкурс өткізді. Конкурсқа 14-17 жас аралығындағы орта білім беру мекемелерінің (мектептер, гимназиялар, лицейлер) оқушылары қатысты.

Конкурс 1 ақпанда басталды. Бір ай ішінде еліміздің, Мәскеу облысының әртүрлі қалаларынан, елді мекендерінен, ауылдарынан 170-тен астам жұмыс жіберілді. Мұндай көптеген жұмыстар мектеп оқушыларының ана тіліне көзқарастарының немқұрайды еместігін және олардың өз тілі туралы ойланғысы келетіндігін көрсетеді.

2022 жылдың 10 наурызда Қазақстан Республикасының Ұлттық кітапханасында жеңімпаздарды салтанатты марапаттау рәсімі өтті. Қонақтарды ұлттық кітапхананың директоры Бақытжамал Оспанова мен Ресей консулы, Алматыдағы Орыс үйінің жетекшісі Татьяна Барышникова қарсы алды.

Абай атындағы ҚазҰПУ орыс тілі және әдебиеті кафедрасының меңгерушісі Сәуле Әбішева конкурстың барлық қатысушыларына шын жүректен алғысын білдіріп, сөздің адам өміріндегі үлкен рөлін атап өтті, өйткені дәл осы сөз жасампаз күшке ие, өмір сүруге, дамуға, мейірімді болуға көмектеседі.