Янки Купала атындағы Гродно мемлекеттік университеті доценті Авак Вартанянның халықаралық тағылымдамасы

2022 жылдың 11-18 қазан аралығында Абай атындағы Қазақ ұлттық педагогикалық университеті Тарих және құқық институтының Құқықтану кафедрасына ғылыми-педагогикалық тағылымдама аясында Янки Купала атындағы Гродно мемлекеттік университетінің (Беларусь Республикасы) Азаматтық құқық және процесс кафедрасының доценті Вартанян Авак Михайлович келді.

Тағылымдаманың мақсаты - білім беру қызметі саласындағы кәсіби құзыреттілік пен теориялық және практикалық дайындық деңгейін арттыру, құқықтану саласындағы білім беру қызметінің жаңа әдістерін, технологиялары мен элементтерін игеру.

Тағылымдаманың міндеттері - құқық бейіні пәндерін оқытудың жаңа әдістерін игеру және пайдалану, оқытушылық қызметті ұйымдастыруды жетілдіру, оның ішінде ақпараттық-коммуникациялық технологияларды пайдалану арқылы, заң ғылымының қазіргі заманғы жетістіктерімен танысу, озық педагогикалық технологиялармен, оқытудың инновациялық нысандары мен құралдарымен танысу.

Ғылыми ынтымақтастық туралы келісімге және тағылымдамадан өту туралы шартқа қол қойылды.