«Менің өмірімдегі жалпыадамзаттық құндылықтар тәжірибесі» дөңгелек үстелі

2022 жылдың 19 қазанында «Мейірім» клубының рухани-адамгершілік бағыты бойынша қауымдастырылған профессор Г.К. Ширинбаева мен супервайзер Ж. К. Құлтаеваның жетекшілігімен «Менің өмірімдегі жалпыадамзаттық құндылықтар тәжірибесі» тақырыбында дөңгелек үстел өткізілді.

Ой-толғау-семинар түріндегі дөңгелек үстел «6В01801-Әлеуметтік педагогика және өзін-өзі тану» мамандығы бойынша 3 курс ерікті-студенттерінің және талқыланатын мәселелер саласында еріктілік жұмысында тәжірибесі бар студент жастардың Е.Қайырбек, Г.Әлібек, Б.Ермен, А.Мыңатай, А.Шорат, Е.Есалының қатысуымен өтті.

Дөңгелек үстелдің дәстүрлі іскерлік талқылауы қатысушылардың пікірталас-диалогы түрінде жүзеге асырылды. Оң нәтижеге қол жеткізу және түсіну мен қолдаудың іскерлік ахуалын қалыптастыру үшін еріктілердің коммуникативтік дағдылары бойынша тренингтер кешені өткізілді. Ішкі бірлік сезімін оятуға мүмкіндік берген топтағы жалпы эмоционалды атмосфера үлкен маңызға ие болды. Команданы құруға бағытталған тренингте әртүрлі имитациялық және рөлдік ойындар қолданылды.

Кері байланыс алу үшін қатысушылар еріктілер жұмысының тәжірибесі негізінде «жалпыадамзаттық құндылықтар» ұғымының терең мағынасын талқылау бойынша өз идеяларын бекіту мақсатында қағазға эссе жазу арқылы өз ойларын біріктірді.

Іс-шараның аяқталуы кезеңінде студенттер жалпыадамзаттық құндылықтар практикасының нақты мәселелері бойынша қорытындыларды талдап, одан әрі бірлескен еріктілік іс-әрекеттер туралы бірауыздан шешім қабылдады.