Құқықтану кафедрасының профессор-оқытушылар құрамына шетелдік ғалымдар дәріс оқыды

2023 жылғы 6 маусымда Тарих және құқық институты «Құқықтану» кафедрасының профессор-оқытушылар құрамына Массачусетс штаты, Ньютон қаласындағы Бостон колледжінің (АҚШ) Құқық мектебінен профессор Э.Джоан Блюм мен профессор Н.Даниел келіп, «Цифрлық технологияларды қазіргі заң білімінде қолдану мәселелері» тақырыбында дәріс оқыды.

Дәріс барысында шетелдік сарапшылар оқытудың интерактивті әдістері мен цифрлық технологияларды қолдана отырып, кейстер құрастыру, студентпен байланыс жасау, сыни ойлау әдісін қолдану тәсілдерімен бөлісті. Тыңдаушылар атап өткендей, іс-шара өте қызықты және пайдалы болды.