«Жасасын Ұстаз!» TikTok челленджінің нәтижелері

2023 жылдың 16 қазанында Абай атындағы ҚазҰПУ Педагогика және психология институтының педагогика кафедрасы ұстаздықты дәріптеу, мамандыққа деген қызығушылықты арттыру, XXI ғасыр ұстазының шеберлігін қалыптастыру мақсатында 2 курс студенттері арасында өткізген «ЖасасынҰстаз» TikTok челленджіне қатысушылармен онлайн-кездесу өткізді. Конкурсқа студенттердің әлеуметтік парақшаларына (TikTok, Instagram, YouTube) #ЖасасынҰстаз хэштегімен жарияланған 100-ден астам бейнероликтер келіп түсті.

Конкурс қорытындысы бойынша келесі жеңімпаздар анықталды. Қазақ тілінде оқитын топтар арасында 1-ші орынды - ФОК 223 топ, «Физика» мамандығы; 2-ші орынды - 206 топ, «Қазақ тілі мен әдебиеті» мамандығы; 3 орынды - 201 топ, «Шет тілі: екі шет тілі» мамандығы жеңіп алды.

Орыс тілінде оқытатын командалар: 1 орын - Білей Е., Асылова У. («Биология» мамандығы), 2 орын - Бибосынова М., Шашкова К., Нұрсұлтанқызы Т., Бекпулатова Л., Ұлықбек А., Жанаева А., Ушур Н. және Бордюг Т. («Орыс тілі мен әдебиеті» мамандығы), 3 орын - Кәрім Г., Орнабиденова Н. («Орыс тілінде оқытатын орыс тілі мен әдебиеті» мамандығы).

Жеңімпаздардың бейнероликтері педагогика кафедрасының әлеуметтік парақшаларында (Instagram, YouTube, Facebook) орналастырылады. Студенттерге белсенділіктері үшін алғысымызды білдіреміз.