Мінез-құлықты қолданбалы талдау бойынша жұмыс істейтін мамандардың курстары

2023 жылдың 23-25 желтоқсаны аралығында Педагогика және психология институтының арнайы педагогика кафедрасы «Мінез-құлықты қолданбалы талдау бойынша жұмыс істейтін ҚР мамандарының бірлестігі» мекемесімен бірлесіп «Білім беру жүйесінде аутизмі бар балаларды психологиялық-педагогикалық қолдау» тақырыбында оқыту курстарын өткізді. Оқыту курсы ата-аналарға, аутистік спектрі бұзылған балалармен жұмыс істейтін мамандарға, психологтарға және арнайы педагогтарға, магистранттар мен докторанттарға арналған.

Курс лекторлары - доцент Г.А.Абаева және BCBA (директорлар кеңесі сертификаттаған мінез-құлық талдаушысы), Канададағы инклюзивті білім беру саласындағы қолданбалы мінез-құлықты талдау саласындағы ғылым магистрі, балалар мен ересектердің мінез-құлқын талдау мен өзгерту және ABA (Applied behavior analysis) теориясы мен практикасы бойынша кеңесші, халықаралық қолданбалы мінез-құлықты талдау ұйымының мүшесі Зухра Измайлова Камар (Zukhra Izmailova Qamar).

Оқыту курсы барысында аутизм спектрі бұзылған балаларды тәрбиелеу мен дамытудың теориясы, тәжірибесі және этикалық принциптері, білім беру жүйесінде инклюзивті білім беруді қолдаудағы педагогтердің рөлі, ерекше білім беру қажеттіліктері бар балаларды тиімді оқытуда ABA қағидаттарын қолдану, мектепте мінез-құлқы қиын балаға көмектесудегі жұмыс стратегиялары, мінез-құлық қолданбалы талдау, Қазақстан және Орталық Азия елдеріндегі сертификаттау және даму перспективалары және т.б. мәселелер қарастырылды.