«Білім берудегі инновациялар: тәжірибе, проблемалар мен перспективалар» III Халықаралық ғылыми-практикалық конференциясы

2024 жылдың 24 мамырында Педагогика және психология факультеті «Білім берудегі инновациялар: тәжірибе, проблемалар мен перспективалар» тақырыбында ғалымдар мен мұғалімдердің III Халықаралық ғылыми-практикалық конференциясын ұйымдастырып, өткізді.

Конференцияда Абай атындағы ҚазҰПУ-дың академиялық қызмет жөніндегі проректоры Бану Нарбекова, «Білім-Инновация» халықаралық қоғамдық қорының президенті Өте Дархан құттықтау сөз сөйледі.

Іс-шараға Беларусь, Ресей, Өзбекстан ғалымдары қатысты. Конференция онлайн және офлайн форматта өтті. Пленарлық отырыстың модераторы - зерттеу қызметі және инновация жөніндегі проректор Сұлтан Ертай болды.

Конференцияның негізгі спикерлері ғалымдар да, мектеп мұғалімдері де болды: Абай атындағы ҚазҰПУ профессоры А.Құсайынов, Абылай хан атындағы ҚазХБжӘТУ профессоры К.Кунакова, доцент И.Некрасова НМПУ(Ресей), М. Танка атындағы БМПУ (Беларусь) доценті О. Сорока, жалпы педагогика кафедрасының меңгерушісі, профессор Г.Эрназарова ШМПУ (Өзбекстан), профессор Г.Абдуллаева ШМПУ (Өзбекстан), доцент У.Йулдошев ҚМПИ (Өзбекстан), профессор Б.Курбонова ФМУ (Өзбекстан), Қызылорда облысы, Арал ауданы №65 мектеп мұғалімі Л. Сақтағанова, Ш. Уәлиханов атындағы мектеп-гимназия директорының бейіндік оқыту жөніндегі орынбасары Қ. Жамалбекова (Түркістан облысы).

Ғылыми пікірталастар секциялық отырыстардың жұмысында жалғасын тапты. Пленарлық отырыстан кейін форсайт-сессия мен арнайы тақырыптар бойынша секциялар өз жұмысын бастады.

Ғалымдар мұғалімдермен бірлесіп жоғары оқу орындары мен мектептердің оқу процесінде инновацияларды, инновациялық тәсілдерді, әдістерді, нысандарды іске асырудың стратегиялық мәселелерін талқылады.