Ел үшін құрбан болған бабалардың рухына тағзым

2024 жылдың 31 мамырында Абай атындағы ҚазҰПУ басшылығы, оқытушылар мен студенттер Алматы облысы, Жаңалық ауылындағы саяси құғын-сүргін құрбандарына арналған мұражай ескерткішіне гүл шоғын қойып, бабалар рухына тағзым етті.

Халқымыздың тарихында мерейі тасыған мәртебелі дәуірлермен қатар, «тар жол тайғақ кешкен» тақсыретті кезеңдердің де аз болмағаны ащы ақиқат. Біздің халық қуғын-сүргін кезеңінде жазықсыз жапа шеккен қайраткерлердің есімдерін еске алып, олардың рухтарына құрмет көрсетуді әр уақытта да есінен шығарған емес.