Түркіменстан Елшілігінің өкілдерімен кездесу

2024 жылдың 5 қыркүйегінде Абай атындағы ҚазҰПУ-да Қазақстан Республикасындағы Түркіменстан Елшілігінің өкілдерімен кездесу өтті.

Кездесуде бірнеше негізгі бағыттар бойынша ынтымақтастықтың негізгі перспективалары талқыланды. Түрікменстаннан келген студенттерге қатысты академиялық мәселелерге ерекше назар аударылды. Өткен оқу жылында Абай университетінде Түркіменстаннан келген 100-ден астам студент білім алса, биыл олардың қатары айтарлықтай артады деп күтілуде. Студенттерді орналастыру және олардың оқу үлгерімі мәселелері қарастырылды.

Сондай-ақ ынтымақтастықтың әртүрлі бағыттары, соның ішінде Erasmus+ бағдарламасы бойынша ынтымақтастық мүмкіндігі ұсынылды. 2025 жылы Бейтараптық күнін мерекелеуге дайындыққа ерекше назар аударылды.

Перспективалы бағыттардың бірі біздің университет пен Түркіменстан жоғары оқу орындары арасындағы өзара ынтымақтастық туралы меморандумдарды жасасу мүмкіндіктері талқыланды. Елшілік өкілдері академиялық ұтқырлық және студенттер алмасу аясында толыққанды ынтымақтастыққа дайын екендіктерін білдірді.

Бұл кездесу екі ел арасындағы ынтымақтастықты нығайтудағы маңызды қадам болды.