«Диплом (жоба) жазудағы зерттеу мәселелері» семинары

 2024 жылдың 12 желтоқсанында Абай атындағы ҚазҰПУ Педагогика және психология факультеті арнайы педагогика кафедрасы аясында құрылған «Жас ғалымдар» клубының ұйымдастыруымен «Дипломдық жұмыс (жобаны) жазудағы зерттеу мәселелері» тақырыбында семинар өтті.

Жас ғалымдардың ғылыми-зерттеу құзыреттіліктерін қалыптастыру мақсатында ұйымдастырылған семинарға кафедраның профессор-оқытушылар құрамы, «Арнайы Педагогика» білім беру бағдарламасының студенттері, магистранттары мен докторанттары қатысты.

Семинар барысында арнайы педагогика кафедрасының меңгерушісі Ақбота Аутаева,  педагогика ғылмдарының кандидаты, қауымдастырылған профессор Зейнеп Бекбаева, магистр, аға оқытушы Бақытгүл Жақанбаева, «Жас ғалымдар» клубының жетекшісі, «8D01901-Арнайы педагогика» мамандығының 3 курс докторанты Гүлнур Ержанова, 2 курс магистранттары Анель Абдиманова,  Назерке  Сұлтанбекова баяндама жасады.

Іс-шараға қатысушылар зерттеудің ғылыми (әдіснамалық) аппараты; дипломдық жұмысты жүзеге асыруда негізге алынатын шарттар; ғылыми зерттеу жұмыстарын жүргізу кезеңдері; ғылыми зерттеу дағдыларын қалыптастыру; дипломдық жобаны әзірлеу талаптары; магистратураға түсудің жолдары тақырыптары бойынша мәселелерді талқылады.

Семинар соңында қатысушылар кері байланыс орнатылып, пікір алмасты.