«Жоғары оқу орнының үздік оқытушысы - 2024» Республикалық конкурсы өтеді

ҚР Ғылым және жоғары білім министрлігі «Жоғары оқу орнының үздік оқытушысы - 2024» Республикалық конкурсы өтетінін хабарлайды.

«Жоғары оқу орнының үздік оқытушысы - 2024» Республикалық конкурсына қатысу үшін құжаттарды қабылдау 1 қарашадан 10 қарашаға дейін жалғасады. Конкурс жеңімпаздарына 6 миллион теңгеден астам сыйақы тағайындалған.

Конкурсқа жоғары оқу орындарының штаттағы оқытушылары қатыса алады. Олардың үздіксіз ғылыми-педагогикалық өтілі (кемінде 5 жыл), оқытушылық және ғылыми қызметте жоғары жетістіктері болуы тиіс.

Конкурстың мақсаты - оқытушы мамандығының беделін арттыру және жоғары оқу орындары оқытушыларын кәсіби тұрғыда одан әрі дамуға ынталандыру болып табылады.

Конкурс 2 кезеңнен тұрады. Конкурстың ІІ кезеңі 2024 жылдың 17 қарашасынан басталып, 15 желтоқсанға дейін жалғасады. «Жоғары оқу орнының үздік оқытушысы» конкурсына қатысу үшін өтінімдер мен құжаттар ақпараттық жүйе арқылы электрондық форматта қабылданады. Бұл - конкурстың ашық өтуін қамтамасыз етеді.

Айта кетейік, «Жоғары оқу орнының үздік оқытушысы» конкурсының жеңімпаздары ақшалай ынталандырумен қатар төсбелгіге де ие болады.

Толық ақпарат үшін: ҒЗЖ және ғылыми кадрларды даярлау басқармасы.

Байланыс: 8 727 291 10 22.

«Жоғары оқу орнының үздік оқытушысы» атағын беру қағидалары.