Абай университетінің шетелдік серіктес жоғары оқу орындарымен бірлесіп халықаралық ғылыми жобаларды іске асыруға арналған
гранттық қаржыландыру конкурсы жарияланды

Абай атындағы Қазақ ұлттық педагогикалық университеті шетелдік серіктес жоғары оқу орындарымен бірлесіп халықаралық ғылыми жобаларды іске асыруға арналған гранттық қаржыландыру конкурсы өтетіндігін хабарлайды.

Конкурстың мақсаты - халықаралық зерттеу желілерін құру және университетті халықаралық рейтингтерде ілгерілетуді қамтамасыз ету.

Өтініш беруші конкурстық құжаттамада ұсынылған ең төменгі талаптарға сәйкес келетін Абай атындағы ҚазҰПУ профессоры, оқытушысы немесе қызметкері, сондай-ақ шетелдік серіктес ЖОО өкілдері бола алады.

Конкурсқа қатысу үшін өтінім Конкурстық құжаттаманың 1, 2 және 3-қосымшаларына сәйкес жасалады. Өтінім, ілеспе хат және сұратылатын қаражат есебі мемлекеттік тілде және/немесе орыс тілінде беріледі.

1 жобаны қаржыландыру сомасы 11 млн. теңгеге дейін.
Жобаны іске асыру мерзімі - 11 ай.
Конкурстық өтінімдер 2025 жылдың 13 қаңтарына дейін Абай атындағы ҚазҰПУ-нің Ғылым департаментіне тапсырылады. Мекенжайы: Алматы қ., Қазыбек би к-сі, 30, каб. 203а.
Жауапты тұлға - Жобалық кеңсе жетекшісі И.Б.Байсыдық

Конкурстық құжаттама тіркелген.