2025 жылдың 15 желтоқсанында М.Дулатов атындағы №136 мектеп-гимназия және Абай университеті жанындағы «Айтылған тарих» ғылыми лабораториясы алаш қайраткері М.Дулатовтың 140 жылдығына орай оқушы жастармен тарихи-танымдық кездесу кешін өткізді. Бұл іс-шарада акад. М.Қойгелдиев Алаш тақырыбы бойынша жүргізген ғылыми-зерттеу тәжірибесімен, жаңа ой-тұжырымдарымен кеңінен бөлісті. Мектеп ұжымына «Алаш ісі. 1920-1930 жж. ОГПУ жүргізген жасанды тергеу ісінің құжаттары мен материалдары» атты екітомдық жинақты тарту етті.