Дуальді-бағдарлық оқыту үдерісі - тәжірибеде

Өткен оқу жылында бітіруші курс білім алушыларының білім беру үдерісіне дуальді оқыту элементтері университет бойынша ендірілген болатын. Биылғы 2021/2022 оқу жылында бұл инновациялық жүйе кеңінен өріс жайып, 2-3 курс білім алушыларының 3 күн ЖОО-да білім алу, 3 күн алған теориялық білімін мектеп тәжірибесінде ұштастыру іске асырылуда.

«6B013 - Пәнсіз мамандандырылмаған мұғалімдерді дайындау» («6В0102 -Бастауышта оқыту педагогикасы мен әдістемесі» мамандығы) бағытының 107 (2-3 курс) білім алушысы дуальді-бағдарлық оқыту жағдайында 2022 жылдың 7 ақпанынан «Сабақ беріп көру» педагогикалық практиканы Алматы қаласының №19 ЖББМ, №28 М-Л, №30 МГ, №15 Г, 53 МГ, 62Г, 98 ЖББМ, 168МГ, 163 М-Л, 140 Г, 181 ЖББМ, 182 ЖББМ, 201 МГ, DAMU SCHOOL мектептерінде өткізуде. Аталмыш практика 6 мамырға дейін жалғасын табады.

Білім алушыларға «Бастауыш білім беру» бағдарламалары кәсіби даярлау бөлімінің педагог, психолог, әдіскерлері тарапынан ақыл-кеңестер берілуде.