«Яссауидің қазақ тарихындағы орны» республикалық сурет көрме байқауының жабылу салтанаты

2023 жылдың 15 ақпанында Қожа Ахмет Яссауидің 930 жылдық мерейтойы аясында ұйымдастырылған «Яссауидің қазақ тарихындағы орны» республикалық сурет-көрме байқауының жабылу салтанатында Өнер, мәдениет және спорт институтының директоры Т.Б. Искаков, «Көркем білім» кафедрасының профессоры С. Жаманкараев, доцент Б. Нұрбатыров, «Көркем білім» кафедрасының меңгерушісі Е. Асембайұлы, Алматы қаласы Білім басқармасының №7 Оқушылар үйінің директоры М. Даулбаев, №7 Оқушылар үйі директорының орынбасары Ж. Әденова республикалық байқауға қатысушы Қазақстан Республикасының түкпір-түкпірінен келген оқушылар мен жетекшілерін құттықтады. Жүлделі орындарға ие болған қатысушылар мен олардың жетекшілері дипломдармен және алғыс хаттармен марапатталды.