Абай университетінің проректоры Жібек жолы Альянсының саммитінде сөз сөйледі

2023 жылғы 8 қазанда Абай университетінің стратегия, цифрландыру және интернационалдандыру жөніндегі проректоры Актолкын Кулсариева «Жаңа технологиялық революция дәуіріндегі жоғары білім берудегі әзірлемелер мен инновациялар» тақырыбына арналған Жібек жолы Альянсының 2023 жыл сайынғы саммитінде «Цифрландыру және интернационалдандыру университеттің тұрақты даму стратегиясы ретінде» тақырыбында сөз сөйледі. Проректор Абай университетінің қазіргі әлемдегі университеттің тұрақты дамуының негізгі стратегиялары ретінде цифрландыру мен интернационалдандыруды жүзеге асыру тәжірибесімен бөлісті. А.Т.Кулсариева бұл екі аспект қазіргі білім беру ортасында маңызды рөл атқаратынын және академиялық мекемелердің болашағына әсер ететінін атап өтті.