қазақша · русский · english
   
  Main / Mass media about us
01.02.2019

Архив және қоғам

 


 

Қазақстан Республикасы Президентінің Архивінде «Архив және қоғам» іс-шаралар циклінің аясында Абай атындағы Қазақ ұлттық педагогикалық университетінің ректоры Такир Балықбаевтың қатысуымен кездесу өтті. Іс-шараға Абай атындағы ҚазҰПУ Тарих және құқық институтының директоры Б.Жұмағұлов, ҚР ҰҒА академигі, т.ғ.д., профессор М.Қойгелдиев және Архив басшылығы мен қызметкерлері қатысты.

 

Кездесу экскурсиядан басталды. Қо­нақ­тардың назарына Архив қорындағы Тәуелсіз Қазақстан кезеңінің маңызды құжаттары бойынша дайындалған «Тәуел­сіздік дәуірі» тарихи-құжаттық көрмесі ұсынылды. Көрме Елбасы Н.Ә.Назар­баевтың «Тәуелсіздік дәуірі» кітабының негізінде дайындалған. Сонымен қатар, университет басшы­лығына бірегей тарихи құжаттар сақта­латын архив қоймалары көрсетілді. Архивтің зертханалық кор­пусында архив құжаттарын цифрлау және сақтан­дыру қорының микрофишаларын жасайтын станциялар, баспа кешені, Архивке мемлекеттік сақтауға түсетін құ­жаттарды алдын-ала өңдейтін жаб­дық­тар­дың жұмыстары таныстырылды.

 

Кездесу барысында ҚР Президен­тінің Архиві мен Абай атындағы Қазақ ұлттық педагогикалық университетінің арасын­дағы Ынтымақтастық туралы меморан­думға қол қойылды. Универ­ситеттің архивіне 1930 жылдардағы Абай атын­дағы ҚазҰПУ тарихына қатысты бірегей ар­хивтік құжаттар және Архив дайын­даған, Қазақстанның барлық ЖОО-сында бакалаврларды дайындауда ҚР Білім және ғылым министрлігінің «Оқу­лық» респуб­ликалық ғылыми-тәжіри­белік орталығымен ұсынылған, «История Казахстана. Доку­менты и материалы (1917-2012)» хрестома­тиясы берілді.

 

Авторы: Мұхаммед Жылгелдинов,

Қазақстан Республикасы Президенті Архиві

директорының көмекшісі.

01.02.2019 ж.

Ақпарат көзі: almaty-akshamy.kz