«Мінсіз портфолио» семинар-тренингі

16 наурызда Абай атындағы ҚазҰПУ-дың «Мансап» орталығы мен Head Hunter компаниясының ұйымдастыруымен кезекті семинар-тренинг өткізілді.

Семинарда Head Hunter компаниясының өкілі, маркетолог Гүлнұр Махамбек Өнер мәдениет және спорт институтының «Хореография», «Дизайн» және «Графика» мамандықтарының бітіруші түлектеріне арналған жұмысқа орналасуға көмектесетін портфолиолардың бірнеше үлгісін көрсетіп, мысалдар келтірді. Портфолионы қалай құру және толтыру керектігі туралы толық ақпарат берді. Аталмыш мамандықтар бойынша студенттерді жұмысқа қабылдау кезінде ең маңызды критерийлердің бірі дұрыс құрылған «Портфолио» екендігі айтылды.